Jang Jual Nunusaku

 

Foto:Alifuru Hatuhari

Ale itu Alifuru

Ale deng beta, katong satu

Satu rahim pulau ibu

Satu asal dar nunusaku

Nunusaku itu identitas 

Jang karna elektabilitas

ale jadikan komoditas

Ale mangaku anak adat

Mar tar mampu kawal perda adat

Ale seng malu?

Woe, Latu itu gelar adat

Jang jual akang par pejabat

Ale mau kah dicap pengkhianat? 

Maluku negeri raja-raja

Ale musti sadar diri

Adat itu jati diri

Jual adat jual harga diri

Ale su lupa kah?

Sumpah yang dolo leluhur dong su ika

Sei hale hatu, hatu lisa pei

Sei lesi sou, sou lesi ei

Sapa bale batu, batu gepe dia

Sapa langgar sumpah, sumpah bunuh dia.

Alifuru Hatuhari

Rumahtiga, 21 Februari 2023